سيد شوڪت علي شاهه عرف بابو شاهه: نامور سياستدان سيد شوڪت حسين شاهه عرف بابو شاهه ولد سيد شير علي شاهه، 4 فبروري 1953ع تي ڳوٺ ٽيماڻي، تعلقي سجاول، ضلعي ٺٽي ۾ پيدا ٿيو. هن 1970ع ۾ گورنمينٽ هاءِ اسڪول ميرپوربٺوري مان مئٽرڪ پاس ڪئي، بعد ۾ هن پاڪستان پپيلز پارٽيءَ ۾ شموليت اختيار ڪئي. پارٽيءَ جي محنتي ورڪر هئڻ ڪري کيس عزت جي نگاهه سان ڏٺو ويندو هو.
1983ع ۾ جڏهن ايم. آر. ڊي تحريڪ شروع ٿي ته شاهه صاحب انهيءَ ۾ اڳواڻ طور سامهون آيو ۽ تحريڪ کي وڌ ۾ وڌ منظم ڪيائين. هن سجاول شهر ۾ هڪ وڏي جلوس جي اڳواڻي ڪري گرفتاري پيش ڪئي. هن تحريڪ ۾ حصي وٺڻ تي کيس هڪ سال قيد ۽ ٻه لک روپيا ڏنڊ جي سزا پڻ ٻڌائي وئي، جيڪا هو ڀوڳي آيو. ان قربانيءَ سندس سياسي قد ڪاٺ ۾ اضافو ڪيو. 1986ع ۾ کيس ٻيهر گرفتار ڪيو ويو، پر هو پنهنجن اصولن تي قائم رهيو.
مارشل لا جي طويل عرصي کانپوءِ 1988ع وارين چونڊن ۾ هُو صوبائي اسيمبليءَ جو ميمبر چونڊيو ويو. سجاول وارن کي اها شڪايت رهي ته شاهه صاحب کي پارٽيءَ لاءِ ڏنل قربانين جو ڪو صلو نه مليو. 1990ع واري اليڪشن ۾ هُو ٻيو ڀيرو صوبائي اسيمبليءَ جو ميمبر چونڊجي آيو، ان وقت جي وزيراعلى ڄام صادق عليءَ کيس پنهنجي گروپ ۾ شامل ٿيڻ لاءِ زور رکيو، پر هو انهن ئي ڏينهن ۾، 08 نومبر 1990ع تي دل جي دورو پوڻ ڪري وفات ڪري ويو.
1953.02.04 عيسوي
نامور سياستدان سيد شوڪت حسين شاهه عرف بابو شاهه ولد سيد شير علي شاهه، 4 فبروري 1953ع تي ڳوٺ ٽيماڻي، تعلقي سجاول، ضلعي ٺٽي ۾ پيدا ٿيو.
1990.11.08 عيسوي
سيد شوڪت علي شاهه 08 نومبر 1990ع تي دل جي دورو پوڻ ڪري وفات ڪري ويو.